वाढदिवस लेकीचा

 🎂लेकीचा #वाढदिवस अगदी साधेपणाने...! 

प्रिय जान्हवी 

२००३ साली ,आजच्याच दिवशी  तु  इवलीशी #चिमणी होऊन आमच्या घरात आलीस आणि माझे पूर्ण #आयुष्यच बदलले..!

आज त्याला १८ वर्षे पूर्ण झाली. हा- हा म्हणता वर्षामागून वर्षे  भरभर निघून गेली.

 तु मोठी होत गेलीस वयाने आणि #समजूतदार पणानेही.

तुझ्या जन्मानंतर जवळ- जवळ  ६ ते ७ महिने मी तुला हातात घेतले नाही.तुला हातात घ्यायची भीती वाटायची.  कारण , 'आपल्याला घ्यायला येईल का❓ तुझी मान तर दुखवणार नाही ना❓ अशी भिती ही तुझ्या काळजीपोटीच असायची.

लहानपणी #खेळणारी , बागडणारी तू , विविध वक्तृत्व स्पर्धेत भाग घेऊन ,करारी भाषेत व्यासपीठ गाजवणारी तू.आज मात्र तू , माझी आई सारखी माया,प्रेम , आपुलकीने लळा लावतेस आणि काळजीही तशीच करतेस.

हे तुझे वय म्हणजे हे काही फार मोठे वय नाही, पण ....तु लहानपणा पासून आतापर्यंत कधीसुद्धा माझ्याजवळ -  हे पाहिजे ते पाहिजे म्हणून हट्ट केलेला मला आठवत नाही.किती समजूतदारपणा तुझ्याकडे एखाद्या परिपूर्ण व्यक्तीसारखा.proud of you !

तुझ्याच किलबिलाटाने पूर्ण घर भरून जायचे....जान्हवी... तू खेळण्यापेक्षा पुस्तकातच जास्त रमलीस.#अभ्यास , #वक्तृत्व या गोष्टींना तू प्राधान्य दिलेस.

तू तुझ्या #शालेय जीवनात अभ्यासात कधीच कमी पडली नाहीस.तू प्रत्येक वर्षी  तु  तुझ्या शालेय प्रगतीचा आलेख उंचावत ठेवलास.हे करत असताना , मी तुला कधीही अभ्यास कर म्हणून दरडावले किंवा सांगितले असे आठवत नाही, आणि तशी वेळही तु कधी येऊ दिली नाहीस.

इयत्ता दहावी मद्धे असताना  सुद्धा तू मला एकच वेळ सांगितलेस ,की, 

' बाबा मी दहावीमद्धे एवढे गुण मिळवणारच हे तुझे तुच #Target ठरवलेस ' 

आणि ते तू पुर्ण केलस किंबहुना जादाच गुण मिळवलेस.

९१% गुण मिळवून तू उज्ज्वल यश संपादन केलेस.

त्यावेळी तू दहा वर्षे घेतलेले कष्टाचे फळ मिळाले ,

 ' इस्लामपूर हायस्कूलच्या स्वागत कमानीवर यशस्वी विद्यार्थी- विद्यार्थ्यांनींचे फोटो झळकले, त्यामध्ये माझ्या लेकीचा ,तुझा फोटो बघून ऊर भरुन आला.'

यात सर्वस्वी तुझे कष्ट होते.पण , यावेळी तुझ्या सत्काराच्या कार्यक्रमाला वेळ देता आला नाही.त्या दिवशी तुला काय वाटले असेल?पण .....तरीही तुच आमची समजूत घातलीस , तु म्हणालीस , #बाबा ! यात तुमचा #आई- वडिलांचा काय दोष तुम्ही दोघेही #शिक्षक असल्याने तुम्हाला १५ जुन शाळेच्या पहिल्या दिवशी हजर राहवच लागतं हे माहिती आहे.आणि सत्काराचा कार्यक्रम हायस्कूलने त्यांच्या पुर्वपार पद्धतीने शाळेच्या पहिल्याच दिवशी घेतला ! असुदे ! Don't #worry ,Be #Relax ' असे तुच धीराचे शब्द दिलेस.

खरचं ! किती हा समजूतदारपणा !!

आणि ........

दोन दिवसांपूर्वी १२ वीचा निकाल जाहीर झाला.तू घेतलेल्या कष्टाचे फळ परमेश्वराने पुन्हा भरभरुन दिले.

तब्बल , ९६.३३ % गुण १२ वी सायन्स परिक्षेत मिळवलेस आणि ही यशाची कमान उंचावत ठेवलीस.

आणि तुझ्या वाढदिवसाच्या निमित्ताने तु ही सर्वात मोठी भेट आम्हा कुटूंबीयांना तु दिलीस.

खूप , #आनंद झाला ,ऊर भरुन आला.आनंदाश्रुंना आपोआपच वाट मोकळी झाली.

किती समजुतदार आहेस तू.... 

जन्मापासून ते आज पर्यंतचे अनेक  प्रसंग आठवले....

तुझ्या जन्माच्या वेळी #इस्लामपूर येथील #डॉ.पोरवाल हाॅस्पिटलमद्धे जागून काढलेली रात्र आठवली.

काळ कुणासाठीच थांबत नसला तरी ,#आठवणी जशाच्या तशा मनात रूंजी घालत असतात.

काही वेळा , असच एकट बसल की ,मनात  विचार 

येतात आणि #डोळे भरून येतात.

 आपल्यावर जीवापाड़ #प्रेम करणारी ही माझी लाडकी लेक एक दिवस लग्नानंतर आपल्याला सोडून जाणार या साध्या कल्पनेनेच मला रडू येते.

कारण माझ्या वडिलांच्या निधनानंतर , माझ्या बहिणींच्या लग्नामध्ये ही ताटातूट मी अनुभवली आहे.

बापापासून #मुलगी अलग होऊन सासुरवाशीन होते, 

तो क्षण काय असतो ,ते कन्यादान केलेल्या बापालाच माहित असते

तुझ्या कडे पाहिले की खरोखर लक्षात येते की खरच मूली खुप ग्रेट असतात...

#जान्हवी आज तू  मोठी झालीस हे अगदी खरे आहे...पण मुले कधीही आई - वडिलांसमोर मोठी असतात का ❓जान्हवी, तू खुप मोठी हो… किर्तीवंत हो…आमचा आशीर्वाद तर नेहमीच तुझ्या पाठीशी आहे...!

वाढदिवसानिमित्त खूप - खूप  शुभाशिर्वाद...

तुझा #बाप म्हणून अशा लाडक्या लेकी सोबत वाढणे हे ही खूप आनंददायी आहे...

वाढदिवसाच्या खूप -खूप शुभेच्छा बेटा...

Happy Birthday JANHAVI !

- आई- बाबा